چھتیس گڑھ: بھارتی ریاست چھتیس گڑھ میں منعقد ہونے والے اولمپکس میں خواتین نے ساڑھی میں کبڈی کھیل کر سب کو حیران کردیا۔
ریاست چھتیس گڑھ کے سرکاری افسر اوینش نے سماجی رابطے کی سائٹ ٹویٹر پر ساڑھی میں ملبوس خواتین کے کبڈی کھیلنے کی ویڈیو شیئر کی۔ اس ویڈیو میں خواتین کو دو ٹیموں میں کبڈی کھیلتے دیکھا جاسکتا ہے جبکہ وہاں شرکا اپنی ٹیموں کی سپورٹ کے لیے بھی موجود تھے اور خواتین کھلاڑیوں کے حق میں نعرے بازی کررہے تھے۔
یہ بھی پڑھیں: بھارت میں کبڈی مقابلے کے دوران انٹرنیشنل پلیئر کو 20 گولیاں مار کر قتل کردیا
انہوں نے بتایا کہ یہ مقابلہ مقامی سطح پر عوام نے منعقد کیا۔ اس ویڈیو کو سوشل میڈیا صارفین نے بہت سراہا اور ساڑھی میں کبڈی کھیلنے کو ایک نیاز انداز قرار دیا۔
हम किसी से कम हैं क्या !!!
छत्तीसगढ़िया ओलंपिक में महिला कबड्डी. pic.twitter.com/06QyhY4ojp
— Awanish Sharan (@AwanishSharan) October 7, 2022
ٹویٹر پر شیئر ہونے والی اس ویڈیو کو اب تک ہزاروں صارفین دیکھ چکے ہیں جبکہ سیکڑوں نے اس پر دلچسپ تبصرے بھی کیے۔ ایک صارف نے ویڈیو پر لکھا کہ ’یہ بہت ہی بڑھیا ہے‘۔ جبکہ ایک اور نے لکھا کہ یہ ویڈیو دیکھ کر ایک خوشگوار حیرت ہوئی۔
اوجال راجپوت نے کہا کہ ’انٹرنیٹ پر آج کے دن کی سب سے بہترین ویڈیو مجھے یہ لگی، جس نے ایک نئی امید کو جگا دیا ہے‘۔ ایک اور صارف کا کہنا تھا کہ اگر ہم ان خواتین کو سرکاری سطح پر سپورٹ کریں تو یہ ملک (بھارت) کا نام عالمی سطح پر روشن کرسکتیں ہیں۔
واضح رہے کہ یہ پہلی بار ہوا ہے کہ خواتین پہلوانوں کے درمیان کبڈی کے میچ کا انعقاد کیا گیا کیونکہ اس سے قبل صرف مرد ہی مخصوص لباس میں یہ کھیل کھیلتے ہوئے نظر آتے تھے۔
