ممبئی: بھارت میں والدین ساحل سمندر پر چٹان پر بیٹھے تھے اور بچے خوشی سے ان کی تصاویر اور ویڈیوز بنا رہے تھے کہ ایک اونچی لہر خاتون کو بہا لے گئی جس کی خوفناک ویڈیو وائرل ہوگئی۔
بھارتی میڈیا کے مطابق یہ واقعہ ممبئی کے باندرہ بینڈ اسٹینڈ پر پیش آیا جہاں ایک جوڑے کی پتھر پر بیٹھے اور ان کے بچے مذاق کر رہے تھے، تاہم پلک جھپکتے ہی سب کچھ بدل گیا۔ ایک بڑی لہر آتی ہے اور جوڑا ڈوب جاتا ہے۔ بچے چیختے ہوئے رہ گئے اور 32 سالہ ماں بہہ گئی۔ اس دل دہلا دینے والے منظر کی ویڈیو وائرل ہوگئی۔
This is so horrible How can a person risk their life for some videos..
The lady has swept away and lost her life in front of his kid.#bandstand #Mumbai pic.twitter.com/xMat7BGo34— Pramod Jain (@log_kyasochenge) July 15, 2023
عینی شاہدین نے بتایا کہ ڈوبنے والے شوہر نے اپنی بیوی کو بچانے کی کوشش کی اور اس کی ساڑھی پکڑ لی لیکن لہر کی زد میں آکر جیوتی بہہ گئی۔ قریب تھا کہ شوہر ڈوب جاتا لیکن سمندر میں نہانے والوں نے اسے پاؤں سے گھسیٹ کر بچا لیا۔ 18 گھنٹے کے سرچ آپریشن کے بعد کوسٹ گارڈ کو خاتون کی لاش ملی۔
ملکوال: ٹک ٹاک ویڈیو بناتا ہوا نوجوان نہر میں ڈوب کر جاں بحق
بدقسمت خاندان پکنک منانے سے پہلے جوہو چوپاٹی گیا تھا لیکن پابندی کے باعث انہیں سمندر میں داخل ہونے سے روک دیا گیا۔ چنانچہ خاندان نے منصوبہ تبدیل کیا اور باندرہ جانے کا فیصلہ کیا جو اس کی تدفین کی جگہ نکلی۔