سعودی عرب میں واٹس ایپ کے بہت سے صارفین نے اطلاع دی ہے کہ ایپ کا وائس اور ویڈیو کالنگ فیچر برسوں کی پابندیوں کے بعد فعال کر دیا گیا ہے۔
اس اچانک سرگرمی نے سوالات کو جنم دیا ہے، خاص طور پر ایسے وقت میں جب حکام کی جانب سے کوئی پیشگی اعلان نہیں کیا گیا تھا۔مزید برآں، اس بارے میں کوئی سرکاری تصدیق نہیں ہوئی ہے کہ آیا یہ ایک مستقل یا عارضی تبدیلی ہے۔
سعودی عرب میں ٹیکنالوجی کے ماہر عبداللہ السبائی نے کہا کہ یہ اقدام ٹیلی کمیونیکیشن اور ڈیجیٹل انفراسٹرکچر کو فروغ دینے کے لیے سعودی عرب کی کوششوں کے مطابق ہے اور اس سے صارفین کے لیے مواصلات میں بہتری آئے گی۔
واضح رہے کہ دنیا کی سب سے زیادہ استعمال ہونے والی میسجنگ ایپ واٹس ایپ نے 2015 میں وائس کالز اور 2016 میں ویڈیو کالز متعارف کروائی تھیں اور ان فیچرز پر سعودی عرب میں 2019 میں پابندی عائد کردی گئی تھی۔
تاہم، سعودی عرب میں ریگولیٹری پالیسیوں کی وجہ سے ان خصوصیات کو بلاک کر دیا گیا تھا۔
