شیروں کا شہر ضلع منڈی بہائوالدین آج پھر لہو لہان ہو گیا. منڈی بہاءالدین میں آج تیسرے دوز پانچواں قتل ہے. گائوں حسن میں گھریلو تنازعہ پر ایک شخص کو قتل کر دیا گیا جبکہ چک بساوا میں نامعلوم افراد کو چھریوں کے وار سے ایک شخص کو قتل کر دیا گیا ہے.
منڈی بہائوالدین ( ایم.بی.ڈین نیوز یکم ستمبر 2022) گزشتہ 24 گھنٹوں کے دوران منڈی بہائوالدین میں 2 افراد کو موت کے گھاٹ اتار دیا گیا ہے. ضلع منڈی بہائوالدین میں گزشتہ تین دنوں میں قتل کی یہ پانچویں واردات ہے جس سے علاقے بھر میں شدید خوف و ہراس پایا گیا ہے.
یہ بھی پڑھیں: مسلح افراد کی گھر میں فائرنگ، فائرنگ سے نوجوان جاں بحق
پہلے واقع میں چک بساوا میں فاروق احمد ولد بشیر احمد موچی کو تقریبا 1 بجے کے قریب نامعلوم افراد نے چھریوں کے وار کر کے قتل کر دیا پولیس تفتیش عمل میں مصروف . ذرائع کے مطابق فاروق احمد کو اسکی بیوی نویلہ بی بی نے چھریوں سے وار کر کے قتل کر دیا اور لاش کمرے میں پھینک دی.
جبکہ دوسرے افسوس ناک واقع میں ظفر اقبال ساکن حسن کو فائرنگ کر کے قتل کر دیا گیا. رپورٹ کے مطابق مقتول ظفر اقبال چند عرصہ قبل قاتل کی بہن کو طلاق دی تھی جس پر مخالفین کا اسکا رنج تھا جس کی بنا پر قاتل نے نامعلوم افراد کے ہمراہ ظفر اقبال کو اسکے گھر کے سامنے گولیاں مار کر موقع پر قتل کر دیا.
