منڈی بہاءالدین: وزیر اعلیٰ پنجاب مریم نواز شریف کے احکامات اور ڈپٹی کمشنر ڈاکٹر فیصل سلیم کی سربراہی میں پاک بھارت کشیدگی کے تناظر میں جنگی حالات سے نمٹنے اور ابتدائی طبی امداد کی فوری فراہمی کے حوالے سے ضلع منڈی بہاءالدین میں ڈسٹرکٹ سول ڈیفنس آفس رینجر کالونی منڈی بہاوالدین میں تنظیم شہری دفاع کے عہدیداران اور رضاکاران کو باقاعدہ ٹریننگ کا اہتمام کیا گیا
جس میں رضاکاران کو سول ڈیفنس آفیسر منڈی بہاوالدین معظم سلطان کی نگرانی میں تربیتی مشقیں کروائی گئیں۔ ان مشقوں کے حوالے سے ڈپٹی کمشنر کا کہنا تھا کہ ان مشقوں کا بنیادی مقصد موجودہ ملکی صورتحال کے پیش نظر ہوائی حملے یا دیگر ہنگامی حالات میں محفوظ پناہ گاہوں کی طرف بروقت انخلاء، فوری ردعمل، ابتدائی طبی امداد، فائر فائٹنگ، سرچنگ اور ریسکیو سمیت مربوط حکمت عملی سے نمٹنے کے حوالے سے تربیت فراہم کرنا تھا۔
اس طرح کی تربیتی مشقوں کے لیے سول ڈیفنس کا عملہ عوام الناس کی حرمت کے لیے ہمہ وقت تیار ہے۔
