اگیگا پنجاب کی کال پر منڈی بہاء الدین میں بھی پنجاب کے تمام اضلاع کی طرح احتجاجی مظاہرہ وریلی کا انعقاد ہوا۔ریلی میں ضلع کے ہزاروں مردو خواتین سرکاری ملازمین نے شرکت کی ۔ ریلی سوہاوہ سکول سے شروع ہو کر ڈی سی دفتر میں اختتام پذیر ہوئی ۔
احتجاج کے باعث ضلع بھر تمام دفاتر اور تعلیمی ادارے بند رہے ۔ احتجاج کے شرکاء نے حکومت کی ملازمین کش سرکاری پالیسیوں کی مذمت کی ۔ لیو انکیشمنٹ اور پینشن رولز میں ترامیم کو مسترد کرتے ہوئے ان کو حسب سابق بحال کرنے کا مطالبہ کیا. قائدین اور مظاہرین نے اس عزم کا اظہار کیا کہ مطالبات پورے ہونے تک اعلان شدہ شیڈول کے مطابق احتجاجی مظاہرے جاری رہیں گے ۔
حکومت اپنی معاشی پالیسیوں پر نظر ثانی کرے مقتدر اور خوشحال طبقات پر ٹیکسز لگائے جائیں ان کی مراعات بند کی جائیں اور مڈل کلاس کو سہولیات اور سب سڈی دی جائے تاکہ مایوسی کا خاتمہ ہو .احتجاجی مظاہرے میں پپلا، ایپکا، ریوینیو ڈیپارٹمنٹ ، ہیڈ ماسٹرز ایسوسی ایشن ،ایجو کیٹرز ایسوسی ایشن، ملازمین درجہ چہارم میونسپل ٹیچرز یونین ، و دیگر تنظیموں کے ساتھ ساتھ سینئر سٹاف ایسوسی ایشن کے قائدین
عبدالعزیز گجر، عتیق الرحمان، چوہدری مزمل تارڑ ، پنجاب ٹیچرز یونین منڈی بہاء الدین کے قائدین چوہدری احسن رضا گوندل، بنارس گجر، میاں اقبال،مناظر گوندل ،حافظ عبدالخالق گوندل ، مبشر فیض، فیصل گجر، ضیاء الاسلام،خلیل بجاڑ ، ایس ای ایس کے صدر افضل رانجھا نے اپنےسیکڑوں ساتھیوں سمیت بھرپور شرکت کی
