منڈی بہاءالدین وزیراعلی پنجاب کے سیاسی مشیر چوہدری طارق وڑائچ نے کہا ہے کہ وزیراعلیٰ پنجاب چویدری پرویز الہی کی قیادت میں امپورٹڈ حکومت سے نجات تک جدوجہد جاتی رہے گی، پی ٹی آئی کے ساتھ سیاسی اتحاد کو مضبوط بنانے کیلئے سرگرم عمل ہیں
منڈی بہاءالدین (ایم.بی.ڈین نیوز 17 نومبر 2022) منڈی بہاءالدین میں اپنے استقبال کے موقع پر آبائی گاؤں شہیدانوالی میں کارکنوں سے خطاب کرتے ہوئے وزیراعلیٰ پنجاب کے سیاسی مشیر چوہدری طارق وڑائچ کا کہنا تھا کہ ضلع میں وزیر اعلیٰ پنجاب کے پرنسپل سیکرٹری محمد خان بھٹی کی جدوجہد سے اربوں روپے کے ترقیاتی منصوبوں پر تیزی کے ساتھ کام جاری ہے، ان کی تکمیل سے ضلع منڈی بہاءالدین میں ایک نئے دور کا آغاز ہوگا.
انکا کہنا تھا کہ وزیراعلیٰ پنجاب چوہدری پرویز الہی نے گجرات کو ڈویژن بنا کر عوام کا دیرینہ مطالبہ پورا کر دیا جس سے عوام کو گھر کہ دہلیز پر بنیادی سہولیات کی فراہمی یقینی ہوئی ہے، چوہدری شفقت بلال وڑائچ نے کہا کہ طارق وڑائچ کا وزیراعلیٰ پنجاب منتخب ہونا اس علاقہ کیلئے ایک اعزاز ہے، انکے سیاسی گھرانہ کی خدمات سے علاقہ کے عوام بخوبی آگاہ ہیں، اس موقع پر دیگر معززین نے بھی خطاب کیا
