منڈی بہاوالدین:پھالیہ میں پاک فوج لورز یوتھ فورس کی جانب سے اظہار یکجہتی ریلی نکالی گئی، ریلی کے شرکاء کے پاک فوج زندہ باد کے نعرے، پاک فوج کے خلاف ہرزہ سرائی نامنظور کے کے پوسٹر اٹھا رکھے تھے
منڈی بہاءالدین ( ایم.بی.ڈین نیوز 16 نومبر 2022) تحصیل پھالیہ کے نواحی گاؤں رنسیکے میں پاک فوج لورز یوتھ فورس کی جانب سے اظہارِ یکجہتی کیلئے ریلی نکالی گئی ریلی کی قیادت ضلعی صدر عبداللہ اعجاز گوندل نے کی، اس موقع پر شرکاء نے پوسٹر اٹھا رکھے تھے شرکاء کی جانب سے پاک فوج زندہ باد، پاک فوج اور ملک سلامتی کے ذمہ دار اداروں کے خلاف زبان درازی نامنظور کے نعرے لگائے گئے.
اس موقع پر ضلعی صدر عبداللہ اعجاز کا کہنا تھا کہ ملک مشکل حالات سے گزر رہا ہے اور ان حالات میں ہماری جغرافیائی سرحدوں کی محافظ افواج کے خلاف ہرزہ سرائی کرنے والے ملک دشمن ایجنڈہ پر کام کر رہے ہیں انہوں نے کہا کہ پوری قوم پاک فوج کے ساتھ کھڑی ہے اور ہر سازش کا ڈٹ کر مقابلہ کرے گی ریلی مختلف سڑکوں سے ہوتی ہوئی مقامی چوک میں اختتام پذیر ہوگئی
