سویہ: ڈاکو گن پوائنٹ پر ایک لاکھ روپے نقدی، موبائل فون لے کر فرار

منڈی بہاؤالدین تھانہ صدر کے علاقہ موضع سویہ میں دن دیہاڑے ڈکیتی کی دلیرانہ واردات. مسلح ڈاکو اسلحہ کے زور پر ایک لاکھ روپے نقدی اور موبائل فون وغیرہ چھین کر فرار . ملزمان نے خوف و حراس پھیلانے کے لیے زبردست ہوائی فائرنگ کی

تفصیلات کے مطابق آج دن ایک بجے کے قریب سویہ گاؤں کے قریب ڈکیتی کی واردات ہوئی جس میں دو نقاب پوش مسلح افراد نے بیکری آیٹم سپلائی کرنے والی گاڑی کو نہر کی پٹڑی پر روکا اور گاڑی سوار سیلز مین سے ایک لاکھ روپے نقدی اور موبائل فون چھین کر ہوائی فائرنگ کرتے ہوے فرار ہوگئے.

اس موقع پر کافی دیہاتی لوگ آس پاس موجود تھے لیکن مسلح ملزمان کے خوف سے کسی نے مزاحمت نہیں کی علاقہ میں اس طرح کی وارداتیں تو اکثر ہو رہی ہیں جن کو پولیس روکنے میں ناکام نظر آ رہی ہیں اہل علاقہ کا ڈی پی او منڈی بہاوالدین سے فوری نوٹس لینے کا مطالبہ