وزیراعلی پنجاب مریم نواز شریف کے ویژن، چیف سیکرٹری پنجاب کے احکامات ، کمشنر گوجرانوالہ کی ہدایت اور ڈپٹی کمشنر ڈاکٹر فیصل سلیم کی زیر نگرانی ضلع بھر کے پرائس کنٹرول مجسٹریٹس عوام الناس کو مہنگائی سے ریلیف بہم پہنچانے کیلئے روزانہ کی بنیاد پر فیلڈ میںمسلسل متحرک.
منڈی بہاءالدین ( ایم.بی.ڈین نیوز 08 جنوری2025) ضلع بھر کے 30پرائس کنٹرول مجسٹریٹس نے مختلف دکانوں جن میں بیکری ،کریانہ، گوشت، سبزیوںاور پھلوں سمیت مختلف اشیائے خوردونوش کی دکانوں پر قیمتوں اور کوالٹی سمیت روٹی اور نان کی سرکاری قیمت پر فروخت اور وزن کا معائنہ کیا۔
انہوں نے پرائس کنٹرول ایکٹ کی خلاف ورزیوں پر مختلف دکانداروں کو ایک ہفتے کے دوران مجموعی طور پر7لاکھ32ہزار 500روپے کے جرمانے کئے ۔ ڈپٹی کمشنر ڈاکٹر فیصل سلیم کا کہنا تھا کہ صارفین کو ریلیف کی فراہمی اولین ترجیح ہے۔ منڈیوں اور اوپن مارکیٹ میں نرخوں کی مسلسل مانیٹرنگ کا عمل بھی جاری ہے۔
حکومت پنجاب کی ہدایت پر پرائس کنٹرول ایکٹ کی خلاف ورزیوں پر روزانہ کی بنیاد پر کاروائیاں جاری ہیں ، کسی کو بھی ناجائز منافع خوری اور ذخیرہ اندوزی کی ہر گز اجازت نہیں دی جائے گی۔انہوں نے پرائس مجسٹریٹس کو ہدایت کی کہ دکانداروں سے اشیائے خوردونوش کی ریٹ لسٹ کو نمایاں جگہوں پر آویزاں کرائیں اور خلاف ورزی کرنے والوں کے خلاف جرمانے کئے جائیں اور بے قاعدگیوں سے باز نہ آنے والے دکانداروں کو جیل بھجوایا جائے۔
Leave a Reply