بھارتی فلم اینیمل میں شفینہ شاہ کا تعلق پاکستان سے ہے؟

ممبئی: حال ہی میں ریلیز ہونے والی بالی ووڈ کی سپر ہٹ فلم اینیمل میں اداکار بوبی دیول کی اہلیہ کا کردار ادا کرنے والی اداکارہ کا تعلق پاکستان سے سامنے آیا ہے۔

بھارتی میڈیا کو انٹرویو دیتے ہوئے رنبیر کپور اور بوبی دیول کی سپر ہٹ فلم اینیمل میں بوبی دیول کی دوسری بیوی کا کردار ادا کرنے والی شفینہ شاہ نے انکشاف کیا کہ ان کا تعلق پاکستان سے ہے۔ شفینہ شاہ نے کہا کہ وہ خود انگلینڈ میں پیدا ہوئیں۔ تاہم ان کی والدہ عطیہ شاہ کا تعلق پاکستان کے صوبہ خیبر پختونخوا کے علاقے کوہاٹ سے ہے۔

’مولا جٹ‘ 100 کروڑ کے کلب میں شامل ہونے والی پہلی پاکستانی فلم بن گئی

شفینہ شاہ کے والدین بھی شوبز انڈسٹری سے وابستہ ہیں اور انہوں نے اپنے والدین کے نقش قدم پر چلتے ہوئے فلم انڈسٹری میں قدم رکھا۔ شفینہ شاہ کئی سالوں سے اداکارہ، ماڈل اور ٹی وی پریزینٹر کے طور پر کام کر رہی ہیں اور شاہ رخ خان کے ساتھ ایک اشتہار میں بھی کام کر چکی ہیں۔

اس سے قبل شفینہ شاہ ایک پاکستانی شارٹ فلم ’لاہور ٹو لندن‘ میں بھی کام کر چکی ہیں۔