مختلف اضلاع کے پولیس تحفظ مراکز کی کارکردگی کا جائزہ اجلاس

لاہور (نامہ نگار) انسپکٹر جنرل پولیس پنجاب ڈاکٹر عثمان انور کی زیر صدارت سنٹرل پولیس آفس میں پولیس پروٹیکشن سنٹرز کی کارکردگی کا جائزہ اجلاس ہوا۔ راولپنڈی، گوجرانوالہ، فیصل آباد، منڈی بہاؤالدین اور حافظ آباد میں حفاظتی مراکز کی کارکردگی کا جائزہ لیا گیا۔

انچارج تحفظ مراکز، وکٹم سپورٹ افسران افسران نے خواجہ سراؤں سمیت معاشرے کے کمزور طبقوں کو فراہم کی جانے والی سہولیات کے بارے میں بریفنگ دیتے ہوئے بتایا کہ گزشتہ سال گوجرانوالہ پروٹیکشن سینٹر میں 23 ہزار 777 افراد کو خدمات فراہم کی گئیں اور 14 ہزار سے زائد شہریوں کو راولپنڈی میں اسی طرح فیصل آباد کے تحفظ مرکز میں 10,851، منڈی بہاؤالدین میں 21,158 اور حافظ آباد میں 4,595 شہریوں کو امداد فراہم کی گئی۔

پولیس ملازمین اور ان کے اہل خانہ نے سنٹرل پولیس آفس میں انسپکٹر جنرل پولیس پنجاب ڈاکٹر عثمان انور سے ملاقات کی۔ آئی جی پنجاب نے پولیس ملازمین کے مسائل سنے اور فوری ریلیف کے احکامات جاری کئے۔ انہوں نے نظم و ضبط، ایڈمن، پروموشن اور ویلفیئر سے متعلق دیگر درخواستوں پر بھی احکامات جاری کئے۔