خیبرپختونخوا اسمبلی میں بجلی 10 سے 15 روپے فی یونٹ دینے کی قرارداد کثرت رائے سے منظور کرلی گئی۔ خیبرپختونخوا اسمبلی کے اجلاس میں پاکستان تحریک انصاف کے رکن اسمبلی فضل الٰہی نے ایوان میں قرارداد پیش کی۔
قرارداد کے متن میں لکھا گیا کہ خیبرپختونخوا میں 2 سے 3 روپے فی یونٹ بجلی پیدا کی جارہی ہے جب کہ وفاق کی جانب سے صوبے کو یہی بجلی 70 سے 100 روپے فی یونٹ دی جارہی ہے۔
متن میں وفاق سے صوبے کو 10 سے 15 روپے فی یونٹ بجلی فراہم کرنے کا مطالبہ کیا گیا ہے۔ ایوان نے فضل الٰہی کی قرارداد کثرت رائے سے منظور کر لی۔
اس کے علاوہ محکمہ زکوۃ کے تنخواہوں سے محروم سینکڑوں ملازمین کے واجبات کی ادائیگی اور انہیں مستقل کرنے،خیبرپختونخوا اسمبلی میں سول سیکرٹریٹ میں طلبہ کےلیے سہولت ڈیسک قائم کرنے اور افغان پرائمری اسکولوں کے2سوسے زائد اساتذہ کومستقل کرنے کی قراردادیں بھی ایوان نے مںظور کی۔
