منڈی بہائوالدین میں بارش سے موسم خوشگوار ہو گیا. گرمی کی ستائی عوام کے چہرے خوشی سے کھل اٹھے. محکمہ موسمیات کا مزید بارش کی پیش گوئی
منڈی بہاءالدین ( ایم.بی.ڈین نیوز 30 مئی 2022) منڈی بہائوالدین اور اسکے گردونواح میں تیز آندھی کے ساتھ بارش سے موسم خوشگوار ہو گیا جبکہ گرمی کی شدت میں بھی کمی ہو گئی. رات کے وقت منڈی بہائوالدین کے علاقہ پانڈووال سمیت دیگر کئی علاقوں میں بارش ہوئی.
آج صبح کالے بادلوں نے منڈی بہائوالدین شہر پر بسیرا کیا اور کھل کر برسے. بارش کا دورانیہ کم رہا لیکن ہوا اور تیز آندھی سے گرمی کی شدت میں کافی حد کر کمی ہو گئی ہے. محکمہ موسمیات نے اگلے 3 روز میں منڈی بہائوالدین اور اسکے گردونواح میں کئی مقامات پر وقفے وقفے سے بارش کا امکان ظاہر کیا ہے.
آج منڈی بہائوالدین میں کم سے کم درجہ حرارت 26 ڈگری سینٹی گریڈ جبکہ زیادہ سے زیادہ 39 ڈگری سینٹی گریڈ رہنے کی توقع ہے. جبکہ ہوا میں نمی کا تناسب 30 فیصد ریکارڈ کیا گیا.
