منڈی بہاءالدین کے ڈپٹی کمشنر شاہد عمران مارتھ اور ڈی پی او رضا صفدر کاظمی نے یوم شہادت حضرت علی کے حوالے سے مرکزی جلوس کا وزٹ کیا۔
منڈی بہاوالدین( ایم.بی.ڈین نیوز یکم اپریل 2024)انہوں نے سکیورٹی انتظامات، صفائی ستھرائی سمیت داخلی اور خارجی راستوں کو چیک کیا اور ضروری ہدایات بھی جاری کیں۔ انہوں نے جلوس کے منتظمین سے بھی ملاقات کی۔
جلوس کے روٹس پر واقع گلیوں اور راستوں کو بیرئیرز اور قناتیں لگا کر سیل کیا گیا ہے۔ اس موقع پر ڈپٹی کمشنر اور ڈی پی او کہنا تھا کہ مرکزی جلوس کو فول پروف سکیورٹی فراہم کی جا رہی ہے۔ پولیس اور متعلقہ ادارے شہریوں کی جان و مال کے تحفظ کیلئے ہمہ وقت مصروف عمل ہیں۔
