ڈپٹی کمشنر شاہد عمران مارتھ نے گورنمنٹ میٹرنٹی ہسپتال پھالیہ میں آپریشن تھیٹر کا باقاعدہ افتتاح کر دیا، اس موقع پر اسسٹنٹ کمشنر پھالیہ محمد افضال،سی ای او ہیلتھ ڈاکٹرمحمد عابد یوسف ، ڈسٹرکٹ ہیلتھ آفیسر ڈاکٹر شکیل نذر، ڈاکٹرصاحبان اور طبی عملہ بھی موجود تھا۔
منڈی بہاوالدین ( ایم.بی.ڈین نیوز 15 نومبر 2023)سی ای او ہیلتھ نے بتایا کہ ڈپٹی کمشنر شاہد عمران مارتھ کی خصوصی ہدایت پر گورنمنٹ میٹرنٹی ہسپتال میں آپریشن تھیٹر کو فعال کر دیا گیا ہے ، ضلع بھر کی عوام کو بہترین طبی سہولیات کی فراہمی کو یقینی بنایا جا رہا ہے ۔
اس موقع پر ڈپٹی کمشنر کا کہنا تھا کہ حکومت پنجاب صحت کے شعبہ میں مثالی کام کر رہی ہے،پھالیہ شہر کی عوام کی طبی ضروریات کو مد نظر رکھتے ہوئے اس ہسپتال کے دائرہ کار کو بڑھا کر آپریشن تھیٹر کو فعال کر دیا گیا ہے جو کہ خوش آئند ہے۔ ہسپتال میں مریضوں کے لئے تمام ضروری ادویات اور طبی سہولیات مفت فراہم کی جارہی ہیں ۔ طبی سہولیات کی فراہمی میں کسی قسم کی کوتاہی کو ہر گز برداشت نہیں کیا جائے گا۔
