انسپکٹر جنرل آف پولیس پنجاب سردار علی خان کے ویژن کے مطابق چوکی بوسال تھانہ گوجرہ میں کھلی کچہری کا انعقاد. ڈسٹرکٹ پولیس آفیسر منڈی بہاؤالدین ساجد کھوکھر کی ہدایت پر ڈی ایس پی ملکوال الطاف حسین تارڑ نے چوکی بوسال کھلی کچہری میں عوامی مسائل سنے. کھلی کچہری میں شہریوں کے مسائل سن کر ان کے حل کے احکامات جاری کیے گئے. شہریوں کو ان کی دہلیز پر انصاف کی فراہمی اولین ترجیح ہے
منڈی بہاؤالدین( ایم.بی.ڈین نیوز 20 جولائی 2022)ڈسٹرکٹ پولیس آفیسر ساجد حسین کھوکھر کی ہدایت پر ڈی ایس پی ملکوال الطاف حسین تارڑ نے چوکی بوسال میں کھلی کچہری کا انعقاد کیا، کھلی کچہری میں گردو نواح کے علاقہ کی عوام الناس سے درخواستیں موصول کر کے ان کے حل کے لئے فوری طور پر متعلقہ افسران کو احکامات جاری کئے اور کچھ درخواستوں کو موقع پر حل کر دیا گیا.
کھلی کچہری میں ایس ایچ او، درخواست گزار، معززین شہر، میڈیا نمائندگان ،نمبرداران اور عوام الناس کی کثیر تعداد نے شرکت کی، ڈی ایس پی الطاف حسین تارڑ نےخطاب کرتے ہوئے کہا کہ کھلی کچہری کے انعقاد کا بنیادی مقصد پولیس اور عوام کے مابین فاصلوں کو ختم کرنا، عوام الناس کے مسائل کو سننا ان کا مناسب حل، بروقت کاروائی اور جلد از جلد انصاف کے تقاضوں کو پورا کرنا ہے تاکہ عوام الناس کو انصاف ان کی دہلیز پر پہنچایا جا سکے.
عوام الناس کے لئے پولیس افسران کے دروازے چوبیس گھنٹے کھلے ہیں،عوامی شکایات کے فوری ازالے کے لئے پولیس اپنے تمام تر وسائل اور اختیارات بروئے کار لارہی ہے اور اس میں کسی قسم کی کوتاہی اور لاپرواہی ہر گز برداشت نہ کی جائیگی، مزید برآں کہنا تھا کہ ضلع بھر سے جرائم پیشہ عناصر کا خاتمہ پولیس کی اولین ترجیحات میں شامل ہے
