وزیر اعلیٰ پنجاب مریم نواز شریف کی خصوصی ہدایت پر ضلع منڈی بہاوالدین کے عوام الناس کو مہنگائی سے ریلیف مہیا کرنے کے حوالے سے ڈپٹی کمشنرشاہد عمران مارتھ کی زیرصدارت اشیائے خوردونوش کی نئی قیمتیں مقرر
منڈی بہاوالدین ( ایم.بی.ڈین نیوز 30جولائی 2024) نئی قیمتوں کا تعین تاجر برادری اور سول سوسائٹی کے نمائندوں کی مشاورت سے اوپن وہول سیل مارکیٹ اور دیگر اضلاع میں رائج قیمتوں کو مدنظر رکھتے ہوئے تمام اشیائے خوردونوش کی قیمتوں کا نوٹیفکیشن جاری کردیاگیا۔
نوٹیفیکیشن کے مطابق آٹا 20کلو تھیلا 1،640 روپے، آٹا 10کلو تھیلا 820روپے، چاول باسمتی سپر (نیا) 220 روپے فی کلو گرام، چاول باسمتی سپر (پرانا)240 روپے کلو، چاول کائنات/سٹیم/ سیہلا 260 روپے، چاول (386) 180 روپے کلو، دال چنا (موٹی) 320روپے، دال چنا (باریک) 300روپے ، دال مسور موٹی 270روپے، دال ماش دھلی ہوئی 555 روپے، دال ماش چھلکا 520 روپے مقرر کر دی گئی.
دال مونگ دھلی ہوئی 310 روپے کلو، سیاہ چنا 310 روپے، سفید چنا باریک کینیڈین 280 روپے ، بیسن 315 روپے، روٹی(100گرام) 13روپے، چھوٹاگوشت( مٹن) 1،600روپے کلو، بڑا گوشت ( بیف) 800 روپے ، دودھ (فی لیٹر) 150روپے، دہی 160روپے کلو جبکہ گوشت برائلر، انڈے،سبزی و پھل وغیرہ کے نرخ مارکیٹ کمیٹی کے جاری کردہ ہوں گے۔
ڈپٹی کمشنر شاہد عمران مارتھ کا کہنا تھا کہ ضلعی پرائس کنٹرول کمیٹی کی مقرر کردہ قیمتوں پر نفاذ اور ان پر عملدرآمد سو فیصد یقینی بنایا جائے گا. انجمن تاجران و کریانہ مرچنٹس ضلعی اور تحصیل انتظامیہ کے ساتھ مل کر حکومت کی جانب سے اشیائے خوردونوش کی قیمتوں کو موثر بنانے کیلئے اپنا تعاون اور کلیدی کردار ادا کریں۔ ناجائز منافع خوری کسی صورت برداشت نہیں کی جائے گی۔
