پولیس نے موسو ڈکیت گینگ گرفتار کر لیا، 70 لاکھ کا مال مالکان کے حوالے

منڈی بہائوالدین: موسو ڈکیت گینگ گرفتار 70 لاکھ کا مال مسروقہ مالکان کے حوالے. ڈکیتی وارداتوں میں استعمال ہونے والا اسلحہ بھی برآمد: رضا صفدر کاظمی ڈی پی او منڈی بہائوالدین

منڈی بہاوالدین(پریس ریلیز) ملکوال سرکل میں جرائم پیشہ عناصر کے خلاف کریک ڈاون ،چوری و ڈکیتی کی وارداتوں میں ملوث موسو ڈکیت گینگ گرفتار 70 لاکھ روپے کا مال مسروقہ برآمد، برآمدہ مال میں 26 لاکھ چالیس ہزار روپے نقدی، 23 تولے طلائی زیورات مالیتی 47 لاکھ روپے اور 2 تولے چاندی بھی شامل.

ڈکیتی کی وارداتوں کی روک تھام اور ملزمان کی گرفتاری کے لئے ڈی پی او رضا صفدر کاظمی نے ڈی ایس پی سی آئی اے رفعت بھٹی، ڈی ایس پی ملکوال غلام عباس چھینہ، ڈی ایس پی پھالیہ ضیاء اللہ خان کو خصوصی ٹاسک دیا جنہوں نے اپنی ٹیم جس میں ایس ایچ او تھانہ گوجرہ جنید عباس شیخ ،ایس ایچ او تھانہ قادر آباد سب انسپکٹر غلام حسنین، اے ایس آئی اصغر علی پنجوتھہ انچارج چوکی بوسال معہ دیگر کے ہمراہ چوری و ڈکیتی کی مختلف وارداتوں میں ملوث دو ملزمان موسو اور شاہد کو ٹریس کر کے گرفتار کرلیا

ملزمان رات کو گھروں میں گھس کر اسلحہ کے زور پر وارداتیں کرتے اور دوکانات کے تالے توڑ کر چوری کی وارداتیں کرتے تھے ملزمان کے قبضہ سے 26 لاکھ روپے نقدی، 23 تولے طلائی زیورات، 2 تولے چاندی اور 2 پسٹل برآمد کئے گئے، ڈاکووں نے پانچ وارداتوں کا انکشاف کیا ہے، جو کہ برآمد مال میڈیا نمائندگان کی موجودگی میں دوران پریس کانفرنس اصل مالکان کے حوالہ کردیا گیا ہے