لاہور : مسلم لیگ ق کے مرکزی رہنما مونس الہٰی نے کہا ہے کہ میرے کزن کو راستے سے اٹھالیا گیا ہے، ان کے بارے میں ایف آئی اے اور قومی احتساب بیورو بھی کچھ بتانے سے قاصر ہیں۔
تفصیلات کے مطابق مسلم لیگ ق کے مرکزی رہنما اور چوہدری پرویزالہٰی کے صاحبزادے مونس الہٰی نے ٹوئٹر پیغام میں بتایا ہے کہ میرے کزن ضیغم گوندل کو گجرات سے منڈی بہاءالدین جاتے ہوئے راستے سے اٹھالیا گیا ہے۔
میرا کزن ضیغم گوندل آج گجرات سے منڈی بہاؤالدین جاتے ہوئے اُٹھا لیا گیا۔ وہ بھی غائب اور اس کی گاڑی بھی ۔ پولیس، ایف آئی اے ، نیب سب نے لاعلمی کا اظہار کیا ہے ۔
— Moonis Elahi (@MoonisElahi6) February 18, 2023
ان کا مزید کہنا ہے کہ ضیغم گوندل کے ساتھ ان کی گاڑی بھی غائب ہے جبکہ ضیغم کے بارے میں ایف آئی اے اور قومی احتساب بیورو (نیب) نے بھی لاعلمی کا اظہار کیا ہے۔
یہ بھی پڑھیں: مونس الٰہی فیکٹر (اقتدار جاوید)
اس سے قبل گزشتہ ماہ جنوری کو مونس الہٰی کے قریبی دوست احمد فاران خان گارڈن ٹاؤن سے گمشدہ ہوئے تھے جس کے بعد ہائی کورٹ نے واقعے کا نوٹس لے کر سی سی پی او کو بازیابی کا حکم دیا تھا۔ بعد ازاں11فروری کو احمد فاران خان کو رات گئے گھر کے باہر چھوڑ دیا گیا تھا، ان کی واپسی کی سی سی ٹی وی فوٹیج بھی سامنے آئی تھی۔
