پھالیہ (نامہ نگار) مسلم لیگ ن کے ضلعی صدر اورامیدوار حلقہ این اے 68 چوہدری مشاہد رضا نے کہا ہے کہ مریم نواز شریف 29 جنوری کو منڈی بہاؤالدین میں جلسہ عام سے خطاب کریں گی۔
میڈیا سے گفتگو کرتے ہوئے انہوں نے کہا کہ ہم انتخابی مہم کا آغاز کارواں کے ساتھ حلقہ این اے 68 کی حدود رانسیکے پلی سے کریں گے اور اسی طرح پورے حلقے کے شہروں اور دیہاتوں میں جا کر عوام کو آگاہ کریں گے۔ میاں محمد نواز شریف کا پیغام مریم نواز شریف کا خطاب لیگی کارکنوں میں نیا جذبہ پیدا ہو گا۔
پاکستان مسلم لیگ ن نے ضلع منڈی بہاوالدین کے امیدواروں کو ٹکٹس جاری کر دئے
مشاہد رضا نے کہا کہ صوبہ پنجاب کے حوالے سے پیپلز پارٹی اور مسلم لیگ ن کا موازنہ نہیں کیا جا سکتا۔ مسلم لیگ ن ہر چیلنج سے نمٹنے کی صلاحیت رکھتی ہے۔ ہم ملک میں مثبت سیاست کو فروغ دیں گے۔ انہوں نے کہا کہ پارٹی قائد نواز شریف ہر انتخابی امیدوار سے ذاتی طور پر ملاقات کرتے ہیں۔ پارٹی رہنما جو بھی فیصلہ کریں گے وہ سب کو قبول ہوگا۔
انہوں نے کہا کہ پنجاب کو مسلم لیگ (ن) نے امن کا گہوارہ بنایا ہے۔ سیف سٹی تنظیم نے صوبے میں دہشت گردی کے خاتمے میں مثبت کردار ادا کیا۔ تعمیر و ترقی کا سفر پنجاب کے علاوہ کہیں نہیں ملے گا۔
