گوجرانوالہ: کمشنر نوید حیدر شیرازی کی زیر صدارت ڈویژنل ڈویلپمنٹ ورکنگ پارٹی کے اجلاس میں گوجرانوالہ ،سیالکوٹ اور نارووال میں مختلف ترقیاتی منصوبوں کے نظرثانی شدہ تخمینہ جات کی منظوری دیتے ہوئے کمشنر نے اس توقع کااظہار کیا کہ تمام سرکاری فنڈز شفاف اور بہترین عوامی و قومی مفاد کے تحت استعمال کئے جائیں گے ۔
اجلاس میں ناروال میں شاہراہوں کے 3 منصوبوں کی منظوری دی گئی جس کی تخمینہ لاگت 240.000 ملین روپے ہے۔ اس کے علاوہ 55.373 ملین روپے کی پبلک ہیلتھ انجینئرنگ اسکیموں کا از سر نو جائزہ لینے کا کہا گیا۔ منڈی بہاؤالدین شاہراہوں کے لیے 81.133 ملین روپے کی اسکیم کی منظوری دی گئی۔
سیالکوٹ کے 4 منصوبوں کی نظرثانی شدہ سکیموں کی منظوری دی گئی۔ ان منصوبوں میں ڈسپوزل، ڈرینج، سولنگ، ٹف ٹائلز، ڈرین اور دیگر شامل ہیں۔ اسی طرح گوجرانوالہ میں سرکٹ ہاؤس کے لیے 53.000 ملین روپے کی منظوری فیز 111 کے لیٹر سے مشروط دی گئی۔
اے ڈی پی کے تحت دو یونینوں میں مجموعی طور پر 1184 ملین روپے کی پبلک ہیلتھ سکیمیں بشمول سولر سسٹم کے ساتھ صاف پانی، سیوریج، نکاسی آب، گلیوں کی ، نالیوں کو کل 600,000 ملین روپے کی منظوری دی گئی۔
