عام انتخابات، منڈی بہاؤالدین میں پاک فوج کے دستوں کی تعیناتی شروع

عام انتخابات میں ناخوشگوار واقعات سے نمٹنے کے لیے پنجاب میں پاک فوج کے دستے تعینات کرنے کا عمل شروع کر دیا گیا ہے۔ عام انتخابات کے دوران لاہور سمیت پنجاب بھر میں پاک فوج کے دستے تعینات کیے جا رہے ہیں۔

محکمہ داخلہ پنجاب کے مطابق انتخابات کے پرامن انعقاد کے لیے لاہور، قصور اور شیخوپورہ میں فوج تعینات کر دی گئی ہے۔ فوج کا دستہ آج منڈی بہاؤالدین، چکوال، جہلم، سرگودھا اور دیگر اضلاع پہنچے گا۔ محکمہ داخلہ کا کہنا ہے کہ امن و امان کی صورتحال کو یقینی بنانا اولین ترجیح ہے۔ انتخابی انتظامات کی نگرانی کی جا رہی ہے۔