پنجاب کے علاقے خوشاب میں شوہر نے بیٹی کو جنم دینے پر بیوی کو قتل کردیا۔ پنجاب کے علاقے خوشاب میں تھانہ نوشہرہ کی حدود میں خاتون کے قتل کا واقعہ پیش آیا۔
ابتدائی تفتیش کے بعد پولیس نے شوہر محمد شہزاد کو گرفتار کر لیا جس نے دوران تفتیش اپنے جرم کا اعتراف کرتے ہوئے کہا کہ وہ بیٹی کی پیدائش پر خوش نہیں تھا جس کی وجہ سے اس نے بیوی کو قتل کیا۔
جائداد تنازعے پر باپ نے بیٹے، بہو اور تین پوتے پوتیوں کو قتل کر دیا
پولیس کے مطابق چند روز قبل ملزم نے ہیلپر 15 پر پولیس کو کال کر کے بتایا کہ اس کی بیوی نے خودکشی کر لی ہے۔ واقعے کے بعد ڈی پی او خوشاب توقیر محمد نعیم نے واقعے کی تحقیقات کا حکم دے دیا۔
پولیس تفتیش میں محمد شہزاد نے انکشاف کیا کہ اس نے خود اپنی بیوی کو قتل کیا ہے۔ متوفی رابعہ کے ہاں بیٹی کی پیدائش ہوئی جس کا شوہر محمد شہزاد غمزدہ تھا۔