غزہ شہر کا العہلی عرب ہسپتال، جو شہر کا آخری مکمل طور پر کام کرنے والا ہسپتال تھا، اسرائیلی فضائی حملے میں تباہ ہو گیا۔برطانوی خبر رساں ادارے کی رپورٹ کے مطابق اسرائیلی جنگی طیاروں کے حملے میں اسپتال کے انتہائی نگہداشت اور سرجری کے شعبوں کو شدید نقصان پہنچا۔
میڈیا رپورٹس کے مطابق حملے کے بعد دو منزلہ عمارت سے بڑی مقدار میں آگ کے شعلے اور دھواں اٹھ رہا تھا۔عینی شاہدین کا کہنا ہے کہ ہسپتال میں موجود لوگوں کے مناظر جن میں کچھ مریض ابھی تک بستر پر تھے، حملے کے بعد بھاگتے ہوئے ہماری آنکھوں میں ہمیشہ کے لیے محفوظ ہو گئے ہیں۔
اسرائیلی فوج کے مطابق حملے کا مقصد ہسپتال میں واقع حماس کے کمانڈ اینڈ کنٹرول سینٹر کو نشانہ بنایا گیا۔ تاہم غزہ کی ایمرجنسی سروسز کے مطابق اس حملے میں کوئی جانی نقصان نہیں ہوا۔غیر ملکی میڈیا کے مطابق غزہ کے علاقے دیر البلاح میں اسرائیلی حملے میں 6 بھائیوں سمیت 37 افراد شہید ہوگئے۔
غزہ کی وزارت صحت کے مطابق اسرائیلی جنگ میں اب تک کم از کم 50,944 فلسطینی شہید ہو چکے ہیں۔ حکومت کے میڈیا آفس نے تازہ ترین شہادتوں کی تعداد 61,700 سے زیادہ بتائی ہے۔
غزہ کی وزارت صحت نے مزید کہا کہ شہید ہونے والوں کی تعداد زیادہ ہے کیونکہ ہزاروں لوگ اب بھی ملبے کے نیچے دبے ہوئے ہیں اور ان کی شہادت کا اندازہ لگایا جا رہا ہے۔
