غزہ پر اسرائیلی حملے جاری، 24 گھنٹوں میں 100 سے زائد فلسطینی شہید

غزہ پر جاری اسرائیلی حملوں میں گزشتہ 24 گھنٹوں کے دوران مزید 106 فلسطینی شہید ہو گئے ہیں۔ عرب میڈیا کے مطابق غزہ پر اسرائیلی حملے جاری ہیں اور گزشتہ 24 گھنٹوں کے دوران مزید 106 فلسطینی شہید اور 350 زخمی ہوئے ہیں۔

اس کے علاوہ جنوبی غزہ میں حماس کے عسکری ونگ القسام بریگیڈز اور اسرائیلی فوج کے درمیان جھڑپیں جاری ہیں۔ القسام بریگیڈز نے ایک مقام پر اسرائیلی فوج پر گھات لگا کر کئی اسرائیلی فوجیوں کو ہلاک اور زخمی کرنے کا دعویٰ کیا۔

دوسری جانب اسرائیلی فوج نے جنوبی لبنان پر فضائی حملہ کیا جس کے نتیجے میں ایک شہری ہلاک اور 8 زخمی ہوگئے۔