یونان میں 200 سے زائد پاکستانیوں کے ڈوبنے کی انکوائری کو سندھ ہائی کورٹ میں چیلنج کر دیا گیا۔
سندھ ہائی کورٹ نے یونان میں 200 سے زائد پاکستانیوں کے ڈوبنے کی انکوائری کے خلاف اسسٹنٹ ڈائریکٹر ایف آئی اے وزیر اللہ بھٹی کی درخواست کی سماعت کی۔ عدالت نے درخواست پر نوٹس جاری کرتے ہوئے ہدایت کی کہ درخواست گزار اور دیگر کے خلاف 30 جنوری تک کوئی کارروائی نہ کی جائے۔
ایف آئی اے کے ڈپٹی ڈائریکٹر علی مراد، اسسٹنٹ ڈائریکٹر راشد بھٹی اور وجیہ اللہ بھٹی کے خلاف انکوائری جاری ہے۔ درخواست میں سیکرٹری داخلہ، ڈی جی ایف آئی اے، ڈی جی کراچی اور ڈائریکٹر ایچ آر ایف آئی اے کو فریق بنایا گیا ہے۔ عدالت نے سیکرٹری داخلہ، ڈی جی ایف آئی اے اور دیگر کو نوٹس جاری کر دیئے۔ ڈوبنے والے کئی افراد کراچی ایئرپورٹ سے لیبیا گئے تھے۔
