منڈی بہاءالدین کے علاقہ ملکوال میں پی ٹی آئی کے کارکنوں نے عمران خان کے ساتھ اظہار یکجہتی کیلئے ریلی نکالی جس کی قیادت سابق وفاقی وزیر نذر محمد گوندل نے کی
منڈی بہاءالدین ( ایم.بی.ڈین نیوز 4 اپریل 2022) منڈی بہاءالدین کے علاقہ ملکوال میں پی ٹی آئی کے کارکنوں نے عمران خان کے ساتھ اظہار یکجہتی کیلئے سیم نالہ چونگی سے مغربی ریلوے پھاٹک تک ریلی نکالی جس کی قیادت سابق وفاقی وزیر نذر محمد گوندل نے کی ریلی کے شرکاء نے عمران خان کے حق میں جبکہ امریکہ اور اپوزیشن رہنماؤں کیخلاف نعرے بازی کی.
ریلی کے شرکاء سے خطاب کرتے ہوئے پی ٹی آئی کے رہنما اور سابق وفاقی وزیر نذر محمد گوندل نے کہا کہ عمران خان کو ایبسولیوٹلی ناٹ کہنے پر امریکہ اور اس کے حواری ہٹانے کی سازش میں مصروف ہیں انہوں نے کہا کہ عمران خان کی کوشش سے اسلاموفوبیا قراداد منظور ہوئی.
عمران خان نے عالمی فورمز پر ناموس رسالت کیلئے مضبوط آواز بلند کی پاکستان کی خارجہ پالیسی کو عالمی دباؤ سے آزاد کیا جس پر امریکہ ناراض ہو گیا اور اپوزیشن جماعتوں کے ساتھ مل کر پی ٹی آئی حکومت گرانے کی سازش کی انہوں نے کہا کہ ہر محب وطن پاکستانی عمران خان کے ساتھ ہے
