بالی ووڈ کی مصروف ترین اداکاراؤں کی فہرست میں شامل ہونے والی اداکارہ جیکولین فرنینڈز نے بہت کم وقت میں ایک خاص مقام حاصل کیا ہے، 11 اگست 1985 کو پیدا ہونے والی جیکولین سری لنکن نژاد ہیں۔
جیکولین فرنینڈز آج اپنی 36ویں سالگرہ منارہی ہیں وہ بچپن سے ہی فلموں کی مشہور اداکارہ بننا چاہتی تھیں، سڈنی یونیورسٹی سے ماس کمیونیکیشن کی تعلیم حاصل کرنے کے بعد، جیکولین نے سری لنکا میں بطور ٹیلی ویژن رپورٹر کام کرنا شروع کیا اور بعد میں جیکولین نے اداکاری کی تربیت جان اسکول آف ایکٹنگ سے حاصل کی جس کے بعد انہوں نے ماڈلنگ کی دنیا میں قدم رکھا.
The many moods of dubbing.. #attack #LakshyaRajAnand smile!!!! pic.twitter.com/EnccjLwITS
— Jacqueline Fernandez (@Asli_Jacqueline) July 30, 2021
جیکولین فرنانڈیز نے 2006 میں مس سری لنکا کائنات کا خطاب جیتا تھا اور جیکولین کو سال 2009 میں ماڈلنگ کے سلسلے میں ہندوستان آنے کا موقع ملا۔ اس وقت بھارت میں سوجوئے گھوش کی فلم ‘ الہ دین ‘ کا آڈیشن جاری تھا۔ جب جیکولین کو اس بارے میں پتہ چلا تو انہوں نے اس کے لیے آڈیشن بھی دیا اور اس فلم میں مرکزی اداکارہ کے طور پر منتخب ہوئیں۔
یہ بھی پڑھیں: کترینہ کیف کی بہن کی فلم کی پہلی جھلک منظرعام پر آگئی
اس فلم کے لیے جیکولین فرنانڈیز کو سال 2010 میں آئیفا کی بہترین خاتون ڈیبیو اور اسٹارڈسٹ ایوارڈ سے نوازا گیا، اس فلم کے بعد جیکولین نے بالی ووڈ میں کک ، رائے ، جوڑواں 2 ، مرڈر 2 ، اے فلائنگ جیٹ ، ریس 3 جیسی کئی سپر ہٹ فلمیں دیں۔
بالی ووڈ میں قدم جمانے والی جیکولین سوشل میڈیا پر بھی بہت سرگرم ہیں اور ان کے چاہنے والوں کی تعداد لاکھوں میں ہے۔ جیکولین جلد اٹیک ، بھوت پولیس، سرکس، بچن پانڈے، رام سیتو، وکرانت رائنا وغیرہ سمیت کئی فلموں میں نظر آئیں گی.
