asad rouf

سابق آئی سی سی ایمپائر اسد روف انتقال کر گئے

لاہور (تازہ ترین۔ 14 ستمبر2022ء) سابق آئی سی سی ایمپائر اسد روف انتقال کر گئے۔ تفصیلات کے مطابق آئی سی سی ایلیٹ پینل کا حصہ رہنے والے سابق ایمپائر اور سابق پاکستانی فرسٹ کلاس کرکٹر اسد روف انتقال کر گئے۔ میڈیا رپورٹس کے مطابق اہل خانہ کی جانب سے اسد روف کے انتقال کی تصدیق کرتے ہوئے بتایا گیا ہے کہ بدھ کی رات کو انہیں دل کا دورہ پڑا جو جان لیوا ثابت ہوا۔

اسد روف اپنی دکان بند کر ے گھر واپس جا رہے تھے جب انہیں دل کا دورہ پڑا۔ دل کا دورہ پڑنے کے بعد انہیں ہسپتال لے جایا گیا، جہاں ڈاکٹرز نے ان کے انتقال کی تصدیق کر دی۔ واضح رہے کہ اسد روف ماضی میں آئی سی سی کے سب سے بہترین ایمپائرز کے گروپ ایلیٹ پینل کا حصہ رہے، انہیں دنیا کے بہترین کرکٹ ایمپائرز میں سے ایک مانا جاتا تھا۔ بعد ازاں کچھ تنازعات کی وجہ سے ان کا کرکٹ ایمپائرنگ کیرئیر ختم ہو گیا تھا۔

یہ بھی پڑھیں: سابق آئی سی سی امپائر اسد رؤف لنڈا بازار میں کپڑوں کا کاروبار کرنے لگے

اسد روف ایمپائرنگ کیرئیر کے خاتمے کے بعد اپنی دہائیوں پرانے کاروبار سے دوبارہ وابستہ ہو گئے تھے۔ اسد روف نے پاکستان کی سب سے بڑی ویب سائٹ اردو پوائنٹ کو خصوصی انٹرویو بھی دیا تھا، جس میں انہوں نے اپنی زندگی کے اہم رازوں سے پردہ اٹھایا۔

اپنا تبصرہ بھیجیں