پی ڈی ایم اے پنجاب نے متوقع بارشوں سے متعلق انتظامیہ کو الرٹ جاری کر دیا ہے۔ ترجمان وزیراعلیٰ پنجاب کی ہدایت پر صوبے بھر کی ضلعی انتظامیہ اور ریسکیو اداروں کو الرٹ جاری کر دیا گیا۔ ترجمان پی ڈی ایم اے کے مطابق پنجاب کے مختلف علاقوں میں آج سے 30 مارچ تک بارش کا امکان ہے
مری، گلیات، راولپنڈی، اٹک، منڈی بہاؤالدین، گجرات، لاہور، قصور، اوکاڑہ، فیصل آباد، اور دیگر اضلاع میں گرج چمک کے ساتھ بارش کا امکان ہے۔ ملتان، کوٹ ادو، لیہ، راجن پور، ڈیرہ غازی خان، مظفر گڑھ، بہاولپور اور بہاولنگر میں بھی گرج چمک کے ساتھ بارش ہوگی۔ موسلادھار بارش کے ساتھ ژالہ باری کا بھی امکان ہے۔
ڈی جی پی ڈی ایم اے عرفان علی کاٹھیا نے صوبے بھر کے کمشنرز اور ڈی سیز کو الرٹ رہنے کی ہدایت کی۔ ڈی جی پی ڈی ایم اے نے ہدایت کی کہ محکمہ صحت کے حکام بھی ہنگامی صورتحال سے نمٹنے کے لیے ہمہ وقت چوکس رہیں۔
