گوجرانوالہ میں اینٹی کرپشن ٹیم پر فائرنگ کے بعد ملزمان پاکستان تحریک انصاف (پی ٹی آئی) کے رکن قومی اسمبلی (ایم این اے) حاجی امتیاز احمد کو چھڑوا کر فرار ہوگئے۔
گوجرانوالہ میں اینٹی کرپشن ٹیم پر فائرنگ کا واقعہ پیش آیا ہے. ملزمان ایم این اے حاجی امتیاز احمد کو چھڑانے کے بعد فرار ہوگئے۔ اینٹی کرپشن حکام کے مطابق اینٹی کرپشن ٹیم حاجی امتیاز احمد کو تفتیش کے لیے منڈی بہاؤالدین لے گئی تھی۔ واپسی پر ملزمان نے حملہ کر دیا۔
پی ٹی آئی کے رکن قومی اسمبلی حاجی امتیاز احمد کو منڈی بہاؤالدین سے اٹھایا گیا ہے، اسد قیصر
پولیس کا کہنا ہے کہ ملزمان کے خلاف مقدمہ درج کر لیا گیا ہے۔ ان کی گرفتاری کے لیے چھاپے مارے جا رہے ہیں۔ خیال رہے کہ پی ٹی آئی کے ایم این اے حاجی امتیاز احمد کو 24 جولائی کو منڈی بہاؤالدین سے گرفتار کیا گیا تھا، ان پر ایک کروڑ سے زائد کی کرپشن کا الزام ہے۔
