بین الاقوامی فلکیاتی مرکز نے تصدیق کی ہے کہ عرب اور دیگر اسلامی ممالک میں 29 مارچ کو شوال کا چاند نظر آنا ناممکن ہوگا۔
بین الاقوامی فلکیاتی مرکز کے مطابق 29 مارچ کو عید الفطر کا چاند نظر نہ آنے کی وجہ یہ ہے کہ چاند سورج غروب ہونے سے پہلے ہی غروب ہو جائے گا۔ جس کی وجہ سے چاند کو آنکھوں یا دوربین سے بھی دیکھنا ناممکن ہو جائے گا۔ اس طرح زیادہ تر ممالک میں رمضان کا مہینہ 30 دن کا ہوگا۔
اس طرح سعودی عرب اور دیگر عرب ممالک اور پاکستان سمیت دیگر اسلامی ممالک میں عید الفطر ایک ہی دن یعنی 31 مارچ کو ہونے کا امکان ہے۔اس کے برعکس، موریطانیہ، مراکش، الجزائر اور تیونس جیسے کچھ ممالک 29 مارچ کو جزوی سورج گرہن کا تجربہ کریں گے۔
ان ممالک میں 30 مارچ بروز اتوار کو روایتی چاند نظر آنے کے بعد عید منانے کا فیصلہ کیا جا سکتا ہے۔ یاد رہے کہ پاکستان میں سپارک نے پیش گوئی کی تھی کہ شوال کا چاند 30 مارچ کو نظر آنے کا امکان ہے اور عید 31 مارچ 2025 کو منائی جائے گی۔
