منڈی بہاءالدین ضلعی انتظامیہ اور محکمہ سوشل ویلفیئر و بیت المال کی جانب سے دفتر صنعت زار کے باہر غریب اور مستحق افراد کیلئے دیوار احساس اور احساس بازار قائم کر دیا گیا اسسٹنٹ کمشنر کاشف جلیل اور ڈی او سوشل ویلفیئر عاطف وڑائچ نے افتتاح کر دیا، غریب اور مستحق افراد یہاں سے کپڑے جوتے وغیرہ تقسیم کئے گئے
منڈی بہاءالدین (ایم.بی.ڈین نیوز 13 جنوری 2022) منڈی بہاءالدین ضلعی انتظامیہ اوت محکمہ سوشل ویلفیئر کی جانب سے دفتر صنعت زار کے باہر غریب اور مستحق افراد کیلئے دیوار احساس اور احساس بازار قائم کر دیا گیا، اسسٹنٹ کمشنر کاشف جلیل اور ڈسٹرکٹ آفیسر سوشل ویلفیئر عاطف وڑائچ نے مقامی مخیر افراد کے ہمراہ افتتاح کیا.
اس موقع پر اسسٹنٹ کمشنر کاشف جلیل کا کہنا تھا کہ غربت کی لیکر سے نیچے زندگی گزارنے والے ہمارے لئے قابل احترام ہیں اور انکی بنیادی ضروریات پورا کرنا ہمارا فرض ہے، اسسٹنٹ کمشنر کاشف جلیل نے کہا کہ دیوار احساس اور احساس بازار کو کامیاب بنانے کیلئے ایک سرکاری اہلکار صبح 10 بجے سے شام 4 بجے تک ڈیوٹی سرانجام دے گا.
اس بازار کو محکمہ سوشل ویلفیئر مانیٹر کرے گا، تاکہ اس سے زیادہ سے زیادہ مستحق افراد استفادہ حاصل کر سکیں، انہوں نے مخیر افراد سے کہا کہ وہ اس کار خیر میں بڑھ چڑھ کر حصہ لیں، انہوں نے کہا کہ جلد ہی ملکوال اور پھالیہ میں بھی دیوار احساس اور احساس بازار قائم کیا جائے گا
