ڈی پی او وسیم ریاض کو اہم ذمہ داریوں پر کورس کرنے کی اجازت نہ مل سکی

پنجاب پولیس کے 10 میں سے تین افسران کو 43 ویں میڈ کیئر مینجمنٹ کورس میں شرکت کی اجازت دی گئی ہے۔ میڈ کیئر مینجمنٹ کورس 31 مارچ سے 6 جون تک لاہور، کوئٹہ، کراچی، اسلام آباد اور پشاور میں جاری رہے گا۔

کورس کرنے والوں میں ایڈیشنل ایس پی سیکیورٹی لاہور عبدالوہاب، ایڈیشنل ایس پی کینٹ آپریشنز لاہور اویس شفیق اور ایس ایس پی آپریشنز گوجرانوالہ ڈاکٹر رضا تنویر شامل ہیں۔

43ویں مڈ کیرئیر مینجمنٹ کورس کے لیے پنجاب کے 18 افسران کو طلب کر لیا گیا

جن افسران کو اہم ذمہ داریوں کی وجہ سے کورس کرنے کی اجازت نہیں دی گئی ان میں ڈی پی او منڈی بہاءالدین وسیم ریاض، سی ٹی او گوجرانوالہ عائشہ بٹ، ایس ایس پی آپریشنز لاہور تاج اقبال، ڈی پی او قصور عیسیٰ سکھیرا، ڈی پی او بہاولنگر حافظ کامران اصغر، ایس پی کامران حامد اور ایس پی بشریٰ جمیل شامل ہیں۔

اس کورس کی کامیابی سے تکمیل پر افسران گریڈ 19 میں ترقی کے اہل ہوں گے۔