ڈی پی او نے مختلف تھانوں میں موٹرسائیکلوں سے لیس محافظ سکواڈ فورس قائم کر دی

منڈی بہاوالدین ڈسٹرکٹ پولیس آفیسر نعیم عزیز سندھو نے شہریوں کے جان و مال کے تحفظ کیلئے ضلع کے تھانوں میں محافظ سکواڈ فورس قائم کر دی، 81 موٹر سائیکل پر پولیس کے جوان گلی محلوں میں گشت کریں گے، مانیٹرنگ کیلئے تھانوں کی سطح پر کنٹرول روم قائم کر دیا گیا

منڈی بہائوالدین (‌ایم.بی.ڈین نیوز 20 ستمبر 2022 ) منڈی بہاءالدین میں ڈسٹرکٹ پولیس آفیسر نعیم عزیز سندھو کی جانب سے ضلع بھر میں جدید سہولیات سے لیس 81 موٹرسائیکل پر مشتمل محافظ اسکواڈ فورس قائم کرنے کی افتتاحی تقریب پولیس لائن میں ہوئی.

یہ بھی پڑھیں: منڈی بہاوالدین میں موٹربائیک ایمبولنس سروس کا آغاز

اس موقع پر ڈی پی او نعیم عزیز سندھو نے خطاب کرتے ہوئے کہا کہ ضلع میں جرائم پیشہ عناصر کی سر کوبی اور بروقت کرائمز سپاٹ رسپانس کیلئے محافظ اسکواڈ فورس پوری تندہی کے ساتھ فرائض سرانجام دے گی، اسکواڈ کے جوان جدید اسلحہ، وائرلیس سسٹم سے لیس ہوں گے.

ڈی پی او نعیم عزیز سندھو نے کہا کہ لاقانونییت اور جرائم کے خاتمہ کے لیے اقدامات فرائض منصبی میں شامل ہیں ضلع میں سٹریٹ کرائم کی روک تھام کے لئے محافظ سکواڈ قائم کیا گیا ہے، انہیں کنٹرول کرنے کیلئے تھانوں کی سطح پر سسٹم قائم کیا گیا ہے اور وہ وائرلیس کنٹرول کی خود نگرانی کریں گے