ڈسٹرکٹ پولیس آفیسر منڈی بہاؤالدین رضا صفدر کاظمی اور ایڈیشنل ڈپٹی کمشنر ذوالفقار احمد نے ضلع میں جاری امتحانات کے حوالے سے گورنمنٹ گرلز ہائیر سکینڈری سکول بھکھی شریف اور گورنمنٹ گرلز ہائی سکول سوہاوہ میں قائم امتحانی مراکز کا اچانک دورہ کیا۔
انہوں نے ڈیوٹی پر مامور اساتذہ سے بات چیت کی اور انتظامات کے حوالے سے دریافت کیا۔ امتحانی مراکز میں طلباء و طالبات کیلئے فراہم کی جانے والی سہولیات کا بھی جائزہ لیا۔ طلباء و طالبات پر سکون انداز میں پیپر دے رہے تھے۔ امتحانی مراکز میں مجموعی طور پر انتظامات تسلی بخش پائے گئے۔ انہوں نے پر امن امتحانی عمل اور اقدامات پر اپنے اطمینان کا اظہار کیا۔