ڈپٹی کمشنر ملک عباس ذوالقرنین نے رات بھر سے جاری بارش کے فوراً بعد شہر کے مختلف علاقوں کا دورہ کیا۔انہوں نے صفائی ستھرائی اور نکاسی آب کا جائزہ لیا۔شہر کی صفائی اور نکاسی آب کے مسائل کو فوری حل کرنے کیلئے ضروری احکامات جاری کئے۔
منڈی بہاﺅالدین ( ایم.بی.ڈین نیوز 30 جنوری 2023) اس موقع پر ان کاکہناتھا کہ ٹریفک کی آمدورفت کو بحال رکھنے کے لیے تمام ادارے متحرک اور الرٹ رہیں، اس معاملے میں کسی قسم کی کوتاہی ہر گز برداشت نہیں کی جائے گی ۔ انہوں نے ہدایت کی کہ میونسپل عملہ مختلف شفٹوں اور ٹیموں کی شکل میں شہر کے تمام نشیبی علاقوں سے پانی کی جلد از جلد نکاسی کو یقینی بنائے ۔
انہوں نے واضح ہدایت کی کہ بارش کے اختتام اور پانی کے نکاس تک تمام ملازمین فیلڈ میں موجود رہیں اور افسران ملازمین کی مسلسل مانیٹرنگ کریں۔ اس موقع پر اسسٹنٹ کمشنر منڈی بہاوالدین عامر محمود، میونسپل کمیٹی کا عملہ ان کے ہمراہ موجود تھا۔