23 سال گزرنے کے باوجود صوبہ پنجاب کی 23 جیلوں میں سزائے موت کے 890 قیدیوں کی زندگیوں کے فیصلے نہ ہوسکے۔ سینٹرل جیل کوٹ لکھپت میں قید 105 قیدیوں کی اپیلیں سپریم کورٹ میں زیر سماعت ہیں.
گوجرانولہ سنٹرل جیل کے 79 قیدیوں نے اپنی سزاؤں کو چیلنج کر رکھا ہے۔ سینٹرل جیل ساہیوال کے 50، ڈسٹرکٹ جیل قصور کے 26، ڈسٹرکٹ جیل سیالکوٹ کے 48 قیدی، سینٹرل جیل پنڈی کے 81 قیدی، ڈسٹرکٹ جیل اٹک کے 44 قیدی، ڈسٹرکٹ جیل سرگودھا کے 32، ڈسٹرکٹ جیل جہلم کے 30 قیدی ہیں۔
ڈسٹرکٹ جیل منڈی بہاؤالدین میں 90 قیدی، ڈسٹرکٹ جیل میانوالی میں 40 قیدی، ڈسٹرکٹ جیل جھنگ میں 30 قیدی، ڈسٹرکٹ جیل سرگودھا میں 32 سزائے موت کے قیدی، ڈسٹرکٹ جیل شاہ پور میں 6 قیدی، ڈسٹرکٹ جیل ٹوبہ ٹیک سنگھ میں 9 قیدی، سنٹرل جیل ملتان میں 59 قیدی ہیں۔
سنٹرل جیل بہاولپور میں 50 قیدی، سنٹرل جیل ڈیرہ غازی خان میں سزائے موت کے 29 اور ڈسٹرکٹ جیل وہاڑی میں سزائے موت کے 33 قیدیوں کی اپیلیں زیر سماعت ہیں.
کچھ اپیلیں 1997 میں، کچھ 2001 اور 2007 میں زیر التوا ہیں جن کا ابھی تک فیصلہ نہیں ہوا۔ جبکہ کچھ قیدی اپیل کے دوران زندگی کی بازی ہار کر دنیا سے رخصت ہو گئے۔
