وزیراعلی پنجاب ،چیف سیکرٹری پنجاب اور کمشنر گوجرانوالہ کی خصوصی ہدایت پر ڈپٹی کمشنر شاہد عمران مارتھ نے صفائی ستھرائی اور عارضی تجاوزات کے خاتمے کے حوالے سے سٹی بازار کا اچانک دورہ کیا۔ ڈپٹی کمشنر نے عارضی ناجائز تجاوزات کو فوری طور پر ختم کرنے کا حکم دیا۔
منڈی بہاوالدین( ایم.بی.ڈین نیوز 24اپریل 2024) اس موقع پر ایڈیشنل ڈپٹی کمشنر ریونیو ذوالفقار احمد، سی او میونسپل کمیٹی وقار بھٹی، سمیت متعلقہ محکموں کے افسران بھی موجود تھے۔ ڈپٹی کمشنر شاہد عمران مارتھ کا کہنا تھا کہ حکومت پنجاب کی ہدایت پر ضلع بھر میں عارضی ناجائز تجاوزات کے خلاف آپریشن جاری ہے۔
کسی بھی دکاندار یا ریڑھی بان کا کاروبار متاثر نہیں کیا جائے گا۔ انجمن تاجران اور دکاندار اس مہم کو کامیاب بنانے کیلئے ضلعی انتظامیہ کا ساتھ دیں تاکہ ہمارے بازار اور سڑکیں کھلی اور کشادہ ہو سکیں۔
