ڈپٹی کمشنر شاہد عمران مارتھ نے منڈی شہر تا سرائے عالمگیر زیر تکمیل روڈ پر جاری کام کا معائنہ کیا ، انہوں نے روڈ کی فزیکل اور فنانشل پراگریس رپورٹس کا معائنہ کیا اور بعض تکنیکی رکاوٹوں کو دور کرنے اور مسائل کے حل پر ضروری ہدایات بھی جاری کیں۔
منڈی بہاﺅالدین( ایم.بی.ڈین نیوز 08 مارچ 2023) اس موقع پر ہائی وے اور پبلک ہیلتھ کے افسران سمیت دیگر متعلقہ افسران بھی ہمراہ تھے۔ڈپٹی کمشنر کو متعلقہ محکموں کے افسران نے جاری پراجیکٹس کے حوالے سے بریفنگ دی۔جس پر ڈپٹی کمشنر شاہد عمران مارتھ نے کہاکہ ترقیاتی سکیموں کیلئے مختص فنڈز قوم کی امانت ہیں، جن کی ایک ایک پائی دیانتداری سے خرچ کی جانی چاہیے۔ ترقیاتی سکیموں کی رفتار اور کوالٹی پر کوئی سمجھوتہ نہ کیا جائے گا ۔
یہ بھی پڑھیں: ڈپٹی کمشنر کا منڈی شہر تا سرائے عالمگیر روڈ ایک ماہ میں مکمل کرنے کا حکم
انہوں نے کہاکہ پنجاب حکومت کی اولین ترجیح عوام الناس کی فلاح وبہبود کیلئے کام کرنا ہے، حکومت سڑکوں اور دیگرز فلاحی منصوبہ جات کی تعمیرو توسیع کیلئے ہر ممکن وسائل اور فنڈز مہیا کر رہی ہے لہذٰا تمام منصوبہ جات کی تکمیل وقت پر مکمل کی جائے ، غیر ضروری تاخیر ہر گز برداشت نہیں کی جائے گی ۔
انہوں نے ہدایت کی کہ ترقیاتی محکموں کے سربراہان جاری منصوبوں کے تمام پہلوﺅں پر کڑی نظر رکھیں۔ کام ٹھیکیداروں پر چھوڑنے کی بجائے افسران سکیموں کی خود نگرانی کریں۔ مفاد عامہ کے منصوبوں کی تکمیل کی راہ میں کسی بھی قسم کی مشکلات حائل نہیں ہونے دیں گے۔
