وزیراعلی پنجاب ،چیف سیکرٹری پنجاب اور کمشنر گوجرانوالہ کی خصوصی ہدایت پر ڈپٹی کمشنر شاہد عمران مارتھ نے شہری علاقوں میں تجاوزات کے خاتمے اور صفائی ستھرائی کے دائرہ کار کو بڑھا کر دیہاتی علاقوں میں بھی آپریشن کلین اپ شروع کر دیا ہے۔
منڈی بہاوالدین ( ایم.بی.ڈین نیوز 03 اکتوبر 2023) ڈپٹی کمشنر نے مین سرگودھا روڈ پر جاری صفائی ستھرائی کے کام کا جائزہ لیا اور ضروری ہدایات جاری کیں۔ انہوں نے سڑک کے دونوں اطراف قائم عارضی ناجائز تجاوزات کے خاتمے ،میڈینز کی صفائی،کوڑا کرکٹ کے ڈھیروں کے خاتمے اور ڈمپنگ پوائنٹس کا معائنہ کیا۔
اس موقع پر متعلقہ محکموں کے افسران بھی موجود تھے۔ ڈپٹی کمشنر شاہد عمران مارتھ کا کہنا تھا کہ حکومت پنجاب کی ہدایت پر شہروں سمیت قصبہ جات سے بھی عارضی ناجائز تجاوزات کے خلاف آپریشن کیا جا رہاہے۔ضلع بھر میں تجاوزات، سرکاری زمینوں پر غیر قانونی قبضہ کیخلاف بلا تفریق کاروائی عمل میں لائی جا رہی ہے۔
