ڈپٹی کمشنر شاہد عمران مارتھ نے صوفی پورہ روڈ پر ہونے والے افسوس ناک حادثہ پر اپنے گہرے دکھ اور افسوس کا اظہار کیا ہے۔ڈپٹی کمشنر نے حادثہ کی اطلاع ملتے ہی فوری طور پر اسسٹنٹ کمشنر منڈی بہاوالدین کو جائے حادثہ پر پہنچنے اور ڈیڈ باڈی کو ڈی ایچ کیو ہسپتال منتقل کرنے کی ہدایت کی۔
منڈی بہاوالدین ( ایم.بی.ڈین نیوز 14ستمبر 2023 ) بعدازاں ڈپٹی کمشنر نے ڈسٹرکٹ ہیڈکوارٹر ہسپتال کا دورہ کیا، جہاں انہوں نے ٹریفک حادثہ میں شہید ہونے والے بچے کے لواحقین سے ملاقات کی اور انہیں ہر طرح کے تعاون کی یقین دہانی کروائی۔ڈپٹی کمشنر نے کہا کہ حادثہ کا باعث بننے والے بس ڈرائیور کے خلاف قانون کے مطابق کارروائی کی جائے گی۔
گورنمنٹ سکول میں بچی کے ساتھ ہراسگی کا معاملہ، سکول ملازم معطل
ڈپٹی کمشنر نے کہا کہ ٹریفک حادثہ کی انکوائری کے لئے متعلقہ افسران کو ہدایات جاری کر دی گئی ہیں ۔ ٹریفک حادثہ کا سبب بننے والے ڈرائیور کے خلاف مقدمہ درج کر دیا گیا ہے اور جلد گرفتاری بھی عمل میں لائی جائے گی۔انہوں نے کہا کہ سڑکوں پر ٹریفک حادثات کو روکنے کے لئے ٹریفک قوانین اور روڈ سیفٹی ایکٹ پر سختی سے عمل درآمد کروایا جائے۔
