وزیر اعلیٰ پنجاب، چیف سیکرٹری پنجاب اور کمشنر گوجرانوالہ کی ہدایت پرڈپٹی کمشنر شاہد عمران مارتھ نے ضلعی بہبود فنڈ بورڈ کے تحت پنجاب حکومت کے حاضر سروس، ریٹائرڈ اور وفات پا جانے والے سرکاری ملازمین اور ان کے اہل خانہ کی مالی امداد کیلئے 64 لاکھ 90 ہزار روپے کی تقسیم کی منظوری دے دی۔
منڈی بہاوالدین( ایم.بی.ڈین نیوز 28اکتوبر 2023 ) اس حوالے سے ڈپٹی کمشنر شاہد عمران مارتھ کی زیر صدات ڈی سی آفس میں ضلعی بہبود فنڈ کا اجلاس منعقد ہوا ۔ ڈپٹی کمشنر شاہد عمران مارتھ نے ضلعی حکومت کے کل 195 ملازمین کی مختلف مدات جن میں شادی گرانٹ، کفن دفن اور سکالر شپ کی درخواستوں کی منظوری دی۔
ڈپٹی کمشنر نے دیگر نا مکمل درخواستوں کو دو دن کے اندرمکمل کر کے پیش کرنے کی ہدایت کی۔ اس موقع پر ڈپٹی کمشنر کا کہنا تھا کہ سرکاری ملازمین حکومت کا قیمتی اثاثہ ہیں ، ان کی اور ان کے اہل و عیال کی بر وقت امداد ایک فرض ہے، جس کی ادائیگی فوری ہونی چاہیئے۔
