ڈپٹی کمشنر شاہد عمران مارتھ کی زیر صدات ضلع بھر کی نہروں اور مائنرز کی بھل صفائی مہم کے حوالے سے اجلاس منعقد ہوا۔اجلاس میں محکمہ ایریگیشن کے افسران نے شرکت کی۔
منڈی بہاوالدین ( ایم.بی.ڈین نیوز 19مارچ 2024) ایس ای ایریگیشن نے بتایا کہ پہلے مرحلے میں 13جنوری سے 31جنوری 2024 تک جاری رہنے والی مہم میں 18 نہروں کی بھل صفائی مکمل کر لی گئی ہے جبکہ دوسرے مرحلے میں مزید 13نہروں کی بھل صفائی مہم کا آغاز کر دیا گیا ہے۔ یہ بھل صفائی مہم 15اپریل تک جاری رہے گی ۔
ڈپٹی کمشنر شاہد عمران مارتھ کا کہنا تھا کہ وزیراعلیٰ پنجاب کے ویژن کے مطابق نہری پانی چوری کے خلاف زیروٹالرنس ہے ،پانی چوری کے لئے غیر قانونی چینل ملنے پر فوری ایکشن لیا جائے اور غیر قانونی کٹ یا چینل کو موقع پر ہی ختم کیا جائے۔
انہوں نے ہدایت کی کہ دیہاتی علاقوں میں کا شتکاروں کو نہری پا نی کی فراہمی کو ممکن بنانے کیلئے نہروں اور راجباہوں کی بھل صفائی سو فیصد مکمل کروائی جائے۔
