snake kiss

بھارتی شہری کو سانپ کو چومنا مہنگا پڑگیا، ویڈیو وائرل

نئی دہلی: بھارت میں زہریلے سانپ کو چومنے کی کوشش کرنے والے شہری کے ہونٹوں پر سانپ نے ڈس لیا۔

غیر ملکی میڈیا کے مطابق سانپ کے ڈسنے کا واقعہ بھارتی ریاست کرناٹک کے ضلع شیواموگا میں پیش آیا جہاں ایک شخص سانپ کے منہ پر بوسہ دینے کی کوشش کررہا تھا اور جواباً سانپ نے بھی شہری کا بوسہ لے لیا۔

یہ بھی پڑھیں: بھارت میں بجلی کی بندش سے بہنوں کی غلط دلہوں سے شادی ہوگئی

واقعے کی ویڈیو سوشل میڈیا پر تیزی سے وائرل ہورہی ہے جس میں دیکھا جاسکتا ہے کہ جب متاثرہ شخص سانپ کے پھیلے پھن کو چومنے کی کوشش کرتا ہے تو وہ پلک جھپکتے ہی اس کے ہونٹ پر کاٹ لیتا ہے جس پر وہ گھبرا کر سانپ کو پھینک دیتا ہے۔ میڈیا رپورٹس کے مطابق سانپ کے بوسے کا نشانہ بننے والے شخص کو بچالیا گیا۔

غیر ملکی میڈیا کا کہنا ہے کہ واقعے کی ویڈیو وائرل ہونے پر صارفین کی جانب سے دلچسپ تبصرے بھی سامنے آرہے ہیں، ایک صارف نے کہا کہ ’ایک بہت ہی مناسب جوابی بوسہ، کبھی جنگلی جانوروں کے ساتھ کھیلنے کی کوشش مت کریں‘۔

اپنا تبصرہ بھیجیں