کراچی: وفاقی حکومت کی جانب سے آئندہ مالی سال 2024-25 کا بجٹ جون کے پہلے ہفتے میں پیش کیے جانے کا امکان ہے۔
وزارت خزانہ کے ذرائع کا کہنا ہے کہ اے پی سی سی کا سالانہ اجلاس 28 سے 29 مئی کو ہوگا جس میں مختلف وزارتوں اور ڈویژنوں کے لیے فنڈز کی منظوری دی جائے گی۔ قبل ازیں سالانہ اجلاس مئی کے پہلے ہفتے میں ہونا تھا۔
اس کے علاوہ قومی اقتصادی کونسل کا اجلاس بھی تاخیر سے بلائے جانے کا امکان ہے۔ طے شدہ شیڈول کے مطابق این ای سی کا اجلاس مئی کے دوسرے ہفتے میں ہوگا جبکہ نئے مالی سال کا بجٹ جون کے پہلے ہفتے میں پیش کرنے کی تجویز ہے۔
