ڈسٹرکٹ پولیس آفیسر نعیم عزیز سندھو کہا ہے کہ پولیس کی ملک کیلئے دی گئی لازوال قربانیاں ہمیشہ یاد رکھی جائیں گی، پولیس لائن میں شہیدا کی یاد گار پر سلامی پھول کی چادر چڑھائی پولیس کے چاک و چوبند دستے کی سلامی
منڈی بہاوالدین ( ایم.بی.ڈین نیوز 4 اگست 2022) منڈی بہاءالدین ڈسٹرکٹ پولیس آفیسر نعیم عزیز سندھو نے پولیس لائن میں شہدا پولیس کی یادگار پر حاضری دی اور پھولوں کی چادر چڑھائی اس موقع پر پولیس کے چاک و چوبند دستے نے سلامی دی.
یہ بھی پڑھیں: نئے تعینات ہونیوالے ڈسٹرکٹ پولیس آفیسر نعیم عزیز نے اپنے عہدے کا چارج سنبھال لیا
بعدازاں پولیس لائن میں شہداء کی یاد میں منعقد تقریب میں وزیراعلیٰ پنجاب چوہدری پرویز الہی، آئی جی پولیس پنجاب کے پیغامات سنائے گئے، ڈی پی او نعیم عزیز سندھو کا کہنا تھا کہ شہداء پولیس کے ماتھے کا جھومر ہیں، جنہوں نے اپنے فرض کی ادائیگی میں جانوں کی پرواہ نہ کرتے ہوئے معاشرے میں قیام امن کیلئے سماج دشمن عناصر کے خلاف سینہ اپر ہو کر جانوں کا نذرانہ پیش کیا.
ڈسڑکٹ پولیس آفیسر نعیم عزیز سندھو نے پولیس کے شہداء کو خراج تحسین پیش کرتے ہوئے یقین دلایا کہ پولیس کا ہر جوان اس عزم کے ساتھ سماج دشمن عناصر کے سامنے ڈٹ کر اپنے پیشہ ورانہ امور کی ادائیگی کو یقینی بنائے گا
