منڈی بہاءالدین: سرکل آفیسر اینٹی کرپشن منڈی بہاءالدین مرزا عمران الحق نے ڈسٹرکٹ کورٹ ملکوال کے اہلمد مسعود اصغر ولد محمد اصغر، کٹھیالہ شیخاں کو عدالتی کاروائی کی منظوری کے بعد گرفتار کر لیا۔
تفصیلات کے مطابق سول جج ملکوال نوید احمد گھمن کی عدالت کے ریڈر نے تھانہ ملکوال میں درخواست جمع کروائی کہ ڈسٹرکٹ کورٹ ملکوال کے اہلمد محمد مسعود اصغر جن کو فیملی کیس میں سینئر سول جج سرگودھا کے پاس مثل جمع کروانے کا حکم دیا گیا۔
لیکن اہلمد محمد مسعود اصغر نے دوسرے فریق کو فائدہ پہنچانے کی نیت سے ملی بھگت کر کے ریکارڈ میں ردوبدل کرنے اور بدنیتی کی بناء پر دفتر ریکارڈ روم میں مثل جمع نہ کروائی بلکہ مثل کو گم کرنے کا بہانہ بنایا۔
مثل طلب کرنے اور تفتیش کرنے پر اہلمد کوئی واضح جواب نہ دے پایا اور تفتیش میں بھی دوسرے فریق کو فائدہ پہنچانے کے تمام الزامات درست قرار پائے۔ جس پر اہلمد محمد مسعود اصغر کو گرفتار کر کے جوڈیشل کر دیا گیا۔
