ڈسٹرکٹ الیکشن کمشنر یاسر حمیدعباسی نے کہا ہے کہ ووٹ کا اندراج ہر پاکستانی کا بنیادی حق ہے اور ووٹرز کیلئے شناختی کارڈ اور ووٹر لسٹ میں اندراج قومی فریضہ ہے۔ الیکشن کمیشن کی جانب سے ووٹ کے بروقت اندراج کیلئے شروع کی گئی مہم سے تمام شہری بروقت فائدہ اٹھائیں تاکہ آئندہ الیکشن میں زیادہ سے زیادہ شہری اپنے ووٹ کے حق کے استعمال کو یقینی بنا سکیں۔
منڈی بہاﺅالدین ( ایم.بی.ڈین نیوز 07 اکتوبر 2022 ) انہوں نے بتایا کہ عوام الناس اپنے ووٹ کے اندراج کی تفصیل اپناشناختی کارڈ نمبر 8300 پر ایس ایم ایس کرکے حاصل کرسکتے ہیں جبکہ الیکشن کمیشن نے عام انتخابات کے لئے انتخابی فہرستیں عوام الناس کی سہولت کیلئے بھی شائع کر دی ہیں جو کہ متعلقہ ضلع کے ڈسٹرکٹ الیکشن کمشنر آفس میں موجود ہیں ۔
ان فہرستوں کو دیکھ کر اپنے ووٹ کا اندراج شناختی کارڈ پر درج مستقل یا عارضی پتے کے مطابق منتقل کروا لیں۔ اس مقصد کیلئے فارم 21 ڈسٹرکٹ الیکشن کمشنر آفس یا الیکشن آف پاکستان کی ویب سائٹ سے حاصل کرکے اور فارم کو پر کر کے بمعہ شناختی کارڈ کی کاپی ڈسٹرکٹ الیکشن آفس میں جمع کروائیں۔ انہوں نے بتایا کہ عوام اپنی سہولت کے پیش نظر قریبی سنٹرز پر جا کر بھی ووٹ تبدیلی اندراج درستگی اور اخراج کے لئے فارم جمع کروائے جا سکتے ہیں۔
ان سنٹرز میں ڈسٹرکٹ الیکشن کمیشن آفس، گورنمنٹ ہائی سکول ملکوال، گورنمنٹ ہائی سکول چک نمبر 1، گورنمنٹ ہائی سکول چک نمبر 2 جنوبی جبکہ دفاترز اسسٹنٹ ایجوکیشن آفیسر کٹھیالہ شیخاں، اسسٹنٹ ایجو کیشن آفیسر ڈھوک کاسب ، اسسٹنٹ ایجو کیشن آفیسر میانہ گوندل، اسسٹنٹ ایجو کیشن آفیسر گوجرہ، اسسٹنٹ ایجو کیشن آفیسر پھالیہ ، اسسٹنٹ ایجو کیشن آفیسر جوکالیاں، اسسٹنٹ ایجوکیشن آفیسر پاہڑیانوالی، اسسٹنٹ ایجو کیشن آفیسر قادر آباد اور دفتر اسسٹنٹ ایجو کیشن آفیسر بھیرووال شامل ہیں۔
